Java e 10.

Përfundoi periudha kur fetusi është i ndjeshëm ndaj ndikimeve të jashtme, ilaçeve, lëndëve të dëmshme dhe mikroorganizmave. Në të njejtën kohë zhduken edheproblemet tuaja me të përzierat apo të vjellat megjithatë mund të ndodhë që të shfaqen acide në stomak dhe dhimbje koke. Rreziku ndaj abortit spontan është më i ulët, foshnja lëviz dhe gëlltit lëngje. Organet vitale: veshkat, zorrët, truri dhe mëlçia fillojnë të funksionojnë, megjithatë zhvillimi i tyre vazhdon përgjatë periudhës së shtatzënisë. Si rezultat i rritjes intenzive të bebes, është e mundur që barku të fillojë të shfaqet dukshëm ( sigurisht, mundet që këtë gjë mund t’a vëreni vetëm ju). Rritja e foshnjës dhe zmadhimi i mitrës, shkakton shtrirjen e ligamenteve dhe muskujve të barkut, dhe mos u befasoni nëse ju shfaqen dhimbje të vogla në bark.  Ndryshimet ndodhin edhe në gjoks, të cilat bëhen akoma më të mëdha.  Ashtu sikurse i gjithë trupi përgatitet për rolin e nënës, dalë nga dalë  garderoba juaj do të fillojë të ngushtohet, dhe ndoshta është koha të filloni të blini rroba për gratë shtatzëna.